आजुबाई शिक्षण संस्थेत तर्फे क्रीडा स्पर्धा आयोजित करण्यात आली

शाळांना वेळेचे बंधन आहे कुठे ?

मुजीब खान कन्नड

------------------------------------

शासनाने शाळा सकाळी नऊ वाजे नंतर भराव्या असे स्पष्ट निर्देश दिले परंतु जिल्ह्यात अनेक शाळा अजूनही सकाळी सात वाजताच भरत असल्याचे दिसून येते सकाळी लवकर शाळा भरल्यामुळे मुलांना सहा वाजताच उठावे लागते त्यामुळे मुलांची झोप पूर्ण होत नाही परिणामी अनेक मुले शाळेत झोपतात त्याचा विद्यार्थ्यांच्या आरोग्यावर त्यांच्या विकासावर नकारात्मक परिणाम होऊ शकतो शाळा सकाळी उशिरा सुरू होण्यामागील शासनाचे वेगळे उद्दिष्ट आहे ते म्हणजे विद्यार्थ्यांना पुरेशी विश्रांती मिळावी त्यांचे मानसिक आणि शरीरिक आरोग्य चांगले राहावे थंड हवामानाच्या परिस्थितीत होणाऱ्या त्रासांपासून त्यांना दूर ठेवावे थंडीत लहान मुलांना सकाळी लवकर उठणे केवळ असुविधाजनक नसते तर ते आरोग्यासाठी हानिकारक ठरू शकते थंडीच्या दिवसात शरीराला जास्त ऊब आणि विश्रांतीची गरज असते मुलांना सकाळी लवकर उठवली की त्यांच्या झोपेच्या तासांमध्ये व्यत्यय येतो ज्यामुळे थकवा चिडचिडेपणा आणि एकाग्रतेचा अभाव जाणवतो तसे झोप पूर्ण न झाल्यामुळे त्यांचे शरीरिक आरोग्य खालावते प्रतिकारशक्ती कमजोर होते सर्दी खोकल्यासारखा आजाराचा त्रास होऊ शकतो शासनाच्या आदेशाचा भंग करणाऱ्या शाळांनी याविषयीची गांभीर्याने दखल घ्यायला हवी सध्याच्या शिक्षणा प्रणालीत विद्यार्थ्यांवर अभ्यासाचा मोठा ताण असतो त्यामुळे झोप आणि विश्रांती ही त्यांच्या आरोग्यासाठी महत्त्वाची आहे थंडीच्या काळात विशेषत ग्रामीण भागात सकाळी लवकर शाळेत जाण्यासाठी लहान मुलांना अनेक अडचणींचा सामना करावा लागतो अंधार थंड वारा आणि शीतलहरी मुळे त्यांचा प्रवास कष्टदाय होतो यामुळे शाळेत पोचल्यावर त्यांना अभ्यासावर लक्ष केंद्रित करणे कठीण होते. मुलांचे आरोग्यासाठी आणि शिक्षणासाठी अनुकूल वातावरण तयार करणे ही प्रत्येक शाळेची जबाबदारी आहे शासनाच्या वेळेच्या निर्णयांचे पालन करणे केवळ शाळांसाठी बंधनकारक नाही तर विद्यार्थ्यांच्या भल्यासाठी आवश्यक आहे मुलांच्या आरोग्याचा आणि त्याच्या उज्वल भविष्यासाठी त्यांच्या शाळा वेळेच्या बाबतीत संवेदनशील होण्याची गरज आहे यामुळे शाळा प्रशासनाने शासनाचे आदेश पाळून मुलांना आरोग्यदायी आणि सुकर शैक्षणिक वातावरण प्रदान करायला हवे मात्र सध्या तरी शहरातील अनेक शाळा या नियमांची पायमल्ली करत सकाळी सात वाजता मुलांना शाळेत बोलावत आहे शाळेची वेळ ही नऊ नंतर करावी या व शिक्षण विभागाने अनेक वेळा परिपत्रक काढले पण या पत्राकडे अनेक शाळांनी दुर्लक्ष केले आहे त्यामुळे शिक्षण विभागाने ठोस अशी कारवाई करण्याची गरज आहे नाहीतर शाळेच्या वेळा पाळताना विद्यार्थ्यांचे झोपेचे गणित बिघडत आहे त्याचा परिणाम भविष्यात विद्यार्थ्यांना भोगाव लागण्याची शक्यता नाकारता येत नाही