नियमांचे उल्लंघन करून उसाचे वाहतूक

कन्नड पंचायत समितीतून सिंचन विहिरीची फाईल गहाळ. शेतकऱ्यांचा आरोप.

कन्नड पंचायत समितीचा सावळा गोंधळ पुन्हा एकदा चव्हाट्यावर..

मुजीब खान कन्नड

 - महाराष्ट्र सरकार शेतकऱ्यांसाठी विविध योजना अंमलात आणत आहे. शेतकऱ्यांसाठी मागेल त्याला शेततळे, सौर ऊर्जा पंप, मागेल त्याला विहीर आदि. योजना शेतकऱ्यांसाठी जाहीर करण्यात आल्या आहे. शेतकरी सुद्धा या योजनेचा पाठपुरावा करून या योजनेचा प्रस्ताव तयार करून प्रशासनाला सादर करत आहेत. परंतु शेतकऱ्यांनी सादर केलेला प्रस्ताव हा प्रशासनाकडे आहे की तो कुठेतरी गहाळ झाला असे जर म्हटले तर तुम्ही चक्राहून झाल. असे कन्नड पंचायत समिती घडल्याचा प्रकार समोर येत आहे. त्याचे झाले असे की कन्नड तालुक्यातील चिमणापूर येथील शेतकरी जनार्दन काशिनाथ चव्हाण यांनी त्यांचे वडील नामे‌.काशिनाथ शंकर चव्हाण यांची महाराष्ट्र ग्रामीण रोजगार हमी योजनेअंतर्गत सिंचन विहिरीसाठी प्रस्ताव तयार करून कन्नड पंचायत समिती येथे दाखल केला होता.परंतु त्या दाखल केलेल्या प्रस्तावाची पोच घेऊन ती प्रस्तावाची माहिती जाणून घेण्यासाठी कन्नड पंचायत समितीच्या संबंधित विभागात गेले असता तेथे त्यांचा प्रस्ताव सापडला नसून तो गहाळ झाल्याचे सांगण्यात आले. संबंधित प्रस्तावाची पोच ही शेतकऱ्याकडे असून प्रस्ताव गहाळ झाला हे उत्तर ऐकून संबंधित शेतकरी चक्रावून गेले. मागेही कन्नड पंचायत समितीचे प्रस्ताव हे गौताळा अभयारण्यामध्ये आढळून आले होते. नेमके या प्रस्तावांना पाय फुटतात तरी कसे, हे प्रस्ताव जर गहाळ होतात तर त्यासाठी लागणारा खर्च व आपला प्रस्ताव मान्य होऊन आपल्याला सरकारची योजना मिळेल ही अशा धरून बसलेल्या शेतकऱ्याचे काय हा प्रश्न पुन्हा निर्माण होत आहे. तरी संबंधित विभागाने न्याय मिळवून देण्याचे मागणी शेतकऱ्यांनी केले आहे.

प्रतिक्रिया 

मी माझे वडील काशिनाथ शंकर चव्हाण यांच्या नावाने कन्नड पंचायत समितीत सिंचन विहिरीसाठी प्रस्ताव सादर केला होता.त्याचा पाठपुरावा करण्यासाठी गेलो असता त्या ठिकाणी प्रस्ताव नसून तो गहाळ झाला असल्याचे सांगण्यात आले. शेतकरी प्रस्ताव व पाठपुराव्यासाठी खर्च करून योजनेसाठी प्रस्ताव सादर करतात. परंतु संबंधित योजनेचे प्रस्तावच गहाळ होत असल्याने या योजनेपासून शेतकरी वंचित राहत आहेत. तरी यामध्ये प्रशासनाने लक्ष घालून संबधित दोषीवर कारवाई करावी.(जनार्दन चव्हाण. वंचित शेतकरी)